معجزات البابا كيرلس ومارمينا العجايبى

استعرض الموضوع السابق استعرض الموضوع التالي اذهب الى الأسفل

new معجزات البابا كيرلس ومارمينا العجايبى

مُساهمة من طرف زائر في الخميس أغسطس 18, 2011 11:32 am

البابا طمني على نتيجة الأمتحان

الآنسة/ مارى ..... ليسانس اداب قسم لغة انجليزية دفعة 2004

فى سنة 2002 لما كنت فى الفرقة الثانية كان عندى فى المقرر لغة عربيه وكان بيديها لنا دكتور متعصب جداااااااااا (كان على قورتة ذبيبة) وكانت مساعدتة معيده (منقبة) فكانت محاضرتة كأننا فى الجامع بالظبط وكنت دايما بحب أغيظة واقعد فى البنش الاول وانا لابسة الصليب دايما ومبيناه قوى وكان ينظر الي فى منتهى الغيظ. وجاء يوم الامتحان وكان عايز آيات قرآانية كثير بس انا مكتبتش غير واحده واكتشفت انى كتبتها غلط وبكده تاكدت انى شايلة الماده وخرجت من الامتحان وقطعت الورقة ورميته.

وحصل انى اتصلت براهب قديس من دير الانبا بولا وقال لى انى هشيل مادتين وربنا يعيننى عليهم فسلمت بالامر الواقع ولكن حسيت انى برده عايزة اتاكد فاتصلت بنفس الراهب مره تانية بعد شهر من المرة الاولى ولكن قالى نفس الكلام والنتيجة فتاكدت ان هى دى الحقيقة وانها اراده ربنا.

ولكن حدث ان قبل نتيجتى باسبوع رحت لاب اعترافى عشان يصلى لى وفعلا صلى لى وحضرت القداس واتناولت وبعديها بتلات ايام حلمت بانى فى كنيسة والبابا كيرلس ظهر وانا طلعت اشوفة وفعلا شفته بابتسامة جميلة ومالى السما وحجمه كبييير قوى

وسالتة : يا بابا كيرلس ابونا (فلان) قالى انى هشيل مادتين

البابا كيرلس : انتى مش هتشيلى ولا مادة وانا جاى اطمنك

قولتة : ازاى ده ابونا قالى هشيل مادتين

رد عليا بابتسامة جميلة وحانيه : لا مش هتشيلى ولا ماده

فرحت جداااااا ولما صحيت من النوم لقيت ورقة امتحان العربى الى(انا قطعتها) على السرير واتخضيت بس حسيت ان ربنا رفع عنى المادتين. ودخل فى نفسى سلام وفرحة لدرجة انى مرحتش اجيب النتيجة وقولتلهم انى عارفاها وفعلا صديقاتى جابولى النتيجة زى ماالبابا قالى بالظبط وجبت جيد لكن فى العربى جبت مقبول.

اشكر ربنا والبابا كيرلس وبطلب منة يسامحنى على تقصيرى فى نشر هذه المعجزة فى الكتب

http://www.facebook.com/PopeKyrillos.St.Mina

Share, don't forget your friends Ϯ LIKE + COMMENT + SHARE + TAG
شـــــارك و متنســــــاش صحابــك Ϯ تاج ♥ شيـــــر ♥ كومنــــــت ♥ لايـك

زائر
زائر


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى